Вітаю! На сенняшні дзень pahod.by - аўтарскі праект Сержука Місюкевіча. Тут вы знойдзеце пешыя і горныя паходы, трэкінгі у розных кутках нашай планеты, якія я арганізую і праводжу.
Калі вас цікавіць прырода, горы, актыўны адпачынак, далучайцеся ;) Усе мерапрыемствы будуць анансавацца тут.
Геаграфія нашых падарожжаў пастаянна пашыраецца.
Асноўны накірунак дзейнасці - гэта шматдзённыя пешыя і горныя паходы, трэкінгі (multi-day hikes), альпінісцкія ўзыходжанні, па складанасці дасяжныя звычайным людзям (не спартсменам).
Для таго, каб пабачыць і абраць жаданую вандроўку, націскайце "Каляндар паходаў" і вам разгарнецца спіс.
Прыгожыя здымачкі з нашых вандровак.
Усе самыя шчырыя ўсмешкі - тут!
Навіны - свежыя як булачкі з суседняй пякарні. Усё новае і цікавае можна знайсці тут.
Калі ў вас ёсць нейкія пытанні ці сумненні - напішыце нам і мы з радасцю дапаможам і паспрабуем даць адказы на ўсе вашы пытанні!
Відэасправаздачы з выбраных вандровак.
Хто мы такія і чаму вы захочаце пайсці з намі ў паход - даведаецеся тут :)
НАВІНЫ
Грузія, з Тушэці да Казбеку
Нашая новая вандроўка, спартыўны горны паход 1-2 к.с. па гістарычных горных правінцыях - Тушэці і Хеўсурэці і выхадам да Казбеку! Адбудзецца на пачатку восені, у верасні ;)
Ісландыя, цэнтральныя сугор'і
December 18, 2017
Наш новы маршрут у Ісландыі па цэнтральных сугор'ях (highlands)! Маршрут дзікі і разнастайны, тут амаль няма турыстаў, начлегі ў кэмпінгах толькі пасярэдзіне маршруту.
У нашым паходзе:
- Наведаем залатое Кальцо Ісландыі - Даліну Гейзераў і вадаспад Гульфосс;
- Пройдзем трэк па чырвонаму хрыбту Керлінгафьодль (тут выбітны ландшафт);
- Геатэрмальная зона Хверадалір з рознакаляровымі гарамі, фумароламі і ледавікамі на навакольных схілах.
- Геатэрмальная зона Хверавеллір з гарачым басейнам, мацнейшым пыхаючым конусам Эйвіндахвер і булькаючымі бірузовымі крыніцамі;
- Другі па велічыні ледавік у Ісландыі - Лангйокюдль;
- Узыходжанні на вяршыні: Снэколлур (1458 м), Фанборг (1428м), Лотмундур (1429 г), Хрутфелл (Hrutfell, 1396м);
- Напрыканцы адагрэемся ў тэрмальным комплексе Лейгарватн фантана!
Марока, Высокі Атлас
October 29, 2017
Рады анансаваць чарговы паход у Марока ў наступным годзе!
Вандроўка адбудзецца 07 - 17 траўня
У гэтым паходзе мы:
- Уздымемся на дзве вышэйшых гары Паўночнай Афрыкі (Toubkal 4167м, Ounakrim 4089 м);
- Адолеем некалькі перавалаў вышэй за 3 км;
- Заночым на беразе прыгажэйшага возера Lac d 'Ifni (адзінага прыроднага возера ў Марока);
- Пройдземся праз традыцыйныя берберскія вёскі, дзе дзеці будуць назіраць за намі з цікаўнасцю);
- Прагуляемся вузкімі вулачкамі медзіны Марракеша, найбольш цікавага горада ў Марока;
- Пакупаемся ў Атлантычным акіяне ў Агадзіры!
Нарвегія, Ютунхэймен
October 27, 2017
У наступным годзе шпацыраваць па Дому Веліканаў Ютунхэймену будзем 21-28 ліпеня!
Паход сціснуты да аднаго тыдня з выходнымі (для тых, хто абмежаваны ў тэрмінах адпачынку) і вельмі насычаны. Аптымальная лагістыка: у суботу зранку вылятаем з Вільні, а ночым ужо ў гарах! Праз тыдзень (у нядзелю ўвечары можна ўжо быць ў Мінску).
Паход у Ісландыі, Лаўгавегур
October 23, 2017
Паступова будуць з'яўляцца анонсы паходаў на наступны (2018-ы) год!
Набіраем дзве групы ў наш самы папулярны ісландскі паход па Лаўгавегуру:)
1) 14.06 - 22.06: Ісландыя, Лаўгавегур
2) 23.06 - 01.07: Ісландыя, Лаўгавегур
Самы пачатак сезону, пакуль яшчэ не набеглі туды натоўпы. Рознакаляровыя лававыя палі, пыхаючыя серавадародам фумаролы, зялёныя і чырвоныя горы, ледавікі і снежнікі, карлікавы лес і чорны вулканічны попел, бурлівыя вадаспады і броды вышэй за калена - вялічэзная разнастайнасць краявідаў тут.
